أنا ومقبول!!

مقبول… آآآآآخ بس..
لا يروح فكركم بعيد.. ليس هذا هو عشيقي الغامض الذي تتساءلون عنه!!!!!!

مقبول..
شاب باكستاني أو هندي.. (والله ما أدري .. على الأغلب هندي)..
مكافح..
أسمر البشرة.. أسود الشعر.. (طالع مملوح بالوصف.. بس عليه شعر.. غزير ما شاء الله)
لم يحالفه الحظ لإكمال تعليمه في بلده..
أخذ يبحث عن لقمة العيش في كل مكان..
وقادته الأقدار إلى المملكة العربية السعودية..
وبالتحديد.. إلى منزلنا..
ليصبح سائقاً..

مقبول جديد في العمل..
يعني لي كم يوم بس أطلع معاه.. وفي الكم يوم هذه مخي صار كله شوارع.. بدل الخلايا العصبية.. تلاقي شارع..
حسيت نفسي GPS… بس بجميع اللغات..
مقبول.. Next Traffic Left الإشارة الجاية يسار.. بعد شوية تلاقوا يدي عنده: هنا هنا يسار..

وطبعا.. يا ويل أغلط وأقول المحل على اليمين.. يوقف في نص الشارع عشان يروح الجهة اليمين.. وخذلك.. يا بواري.. يا تهزيء…
أمس.. حسيت إني ممكن أموت…
طبعاً ناهيك عن البطء.. أبطأ واحد يمشي في الرياض… مقبول..
وطبعاً.. من يوم ما أقول كلمة Right أو Left تلاقي الإشارة اشتغلت.. حتى لو باقي على اللفة مية إشارة..
أول ما ركبت السيارة.. قلتله مقبول.. تعرف شارع التحلية.. (لإنه أقرب شارع عام لبيتي).. قال إنتي قولي يمين يسار.. قلت طيب.. ولما قلت يمين.. قال Right Left.. وأنا أقول في نفسي (بكرة أتعلملك هندي طال عمرك… )
بعد شوي قام يحكي بالعربي وأنا ما فهمت ولا كلمة غير : أنا كلام بابا.. بس الي بعدها.. أتوقع لو حكى هندي كان ممكن أفهم..
وأنا أقول في نفسي (بدينا.. شكلك راعي سوالف.. ).. بس الحمد لله طلعت جملة عارضة إلى الآن ما أدري وش هي..

وطبعاً.. إغلط وإسأله أي سؤال.. يترك الشارع ويلف وجهه علينا..
لااااااااااااااااااااااااااااااااااااااااا يا مقبول.. ما اتفقناش والله…

المشكلة.. الكل يعاني من مشكلة في التواصل.. أنا.. ماما.. بابا.. حتى الخدامات الي حاولت أستعين فيهم ما عرفوا يتفاهموا معاه..

المهم.. إني في حالة معاناة.. كل يوم أكتشف معضلة في التواصل مع مقبول.. ولكن عندي إحساس إنه “يجي منه” لذا سأثابر على المحاولة..

________________________________
ترقبوا الحلقات القادمة من (أنا ومقبول)..

7 من التعليقات لـ “أنا ومقبول!!”

  1. ayaneeq says:

    هههههه
    الله يعينكم ..
    نحن الآن أيضا في معاناة مع سائق المدرسة الجديد ..
    روح .. تعال ..
    المشكلة اني ي الجامعة مال وقت محدد ادخل واخرج فيه .. الحمد لله أمس مشي الموضوع سليم .. بس حاسه أنه فيي مقالب جية .. خصوصا واني امس كنت حااغلط واركب سيارة تاية ..!
    الله يعين الجميع

  2. هههههههههههههههه
    احس انه متوهق :D

    اخس شي يوم يكون الدريول يديد .. تشلّين همه !
    و هالحركة انه يوقف في نص الشارع عشان يتكلم .. اكرهها !
    او تكلمينه و ما يرد عليج .. لأنه ما فهم أو لأنه يبا يركّز
    انا اللي ما ادل شي في بوظبي احس عمري خبيرة اذا ركبت وياهم ..

    صارت سالفة لأمي و عمتيه قبل كم يوم
    <- قولي في كل تدوينه بتيبين طاري امج ؟ =]

    المهم .. كانوا بيروحون المستشفى
    و هو يبعد عنا تقريبا ثلث ساعة
    مع الزحمة نص ساعة .. اكثر بشووي ..

    و طبعا كانوا مع الدريوليه اليديدة
    ما تعرف ولا كلمة عربي
    و هن ما يعرفن انجليزي ..
    ويالله عاد ..
    اكثر عن ساعة و هم يدلونها ..
    و صلوا بالسلامة اخيراً
    عقب حان وقت العودة .. قالوا خلاص هي موصلتنا فـ اكيد تدل البيت
    ردوا ع نفس الموال .. هي مضيييعة ع الآخر
    عاد هالمرة تموا ساعتين لأنها الاخت كانت بتطلعهم برا بوظبي
    و ترجع و تدور بنفس المكان ..

    المدة اللي تموا فيها في السيارة اكثر عن زيارتهم ههههه

    المواقف وايد .. و الله يعين

    بانتظار الحلقة القادمة :)

  3. نجلاء says:

    ayaneeq
    الله يعيننا عليهم بس..

    ذات الشمم
    يا حبيلج انتي وأمج :D :D
    والله أنا “أشل” هم كل “الدرابيل”..
    الجداد والقدام!!
    ههههههههه.. بس الله يعينها أمج على هالدربوليه..

  4. da7oom says:

    أنا ومقبول!!

    >>> يصلح عنواان فلم :P

    الله يعينك ياختي !

    اوما سالفة هاذي اللي يوقف بنص الشارع ويلتفت لمك يقولك وين ارووح .. ذي اللي توووحش :D

  5. sara says:

    بالظبط زي الانسان الظريف اللي عندنا … الفرق انه اندونيسي !!
    تذكرت مره جانا سواق لو سمحتي دارسIT !!!!! ودارس تجاره !!!
    كان كل يوم يحكي لي معاناته وانه جا بالغلط بفيزا سواق !! وانا اضغط علة نفسي واسمع القصة هذي كل يوم بالصباح !!
    بس سواقنا اللي الحين ما يفرق عن اللي عندكم !! لكن احسن منه على الاقل لمن اقوله يوتيرن يقولي يوتيرن يمين ولا يسار !!!

  6. نجلاء says:

    دحوم.. هذول قضاء وقدر..

    سارونة.. لا لا لا ما أسمحلك.. سواقين كشخة.. دارس IT .. وتجارة.. دا إيه الهنا دا كله.. ليش ما تسوونله بزنس؟؟
    بس ال يوتيرن.. ولا اليوتيرن.. يمين والا يسار… هذا ضرب الرقم القياسي…

  7. زكية says:

    لوول …
    السواقين و مشاكلهم !!! غير اننا في زمن فقر للسواقين و أزمة شملت الجميع …
    أما على التواصل و لا يهمك هنا يأتي دوري كأخصائية تأهيل للتواصل و التخاطب أساعدك فيها p:

إكتب تعليقك